Berichte > Berichte Archiv > Turnerinnen der Frauenriege Montag in Fahrt

3. September 2006: Frauenriege Montag in Fahrt

Vo Basel nach Biel,
Uii, mir si vil!
Vo Biel mit em Schiff,
mir hei alles im Griff.

Äs Kaffi u äs Weggli,
wosch ou äs Eggli?

Z’La Neuville stigemer us,
u itz bruchts Pfus.

D’Häxe gö düre Häxepfad,
gli witer obe biege si i d’Räbe ab.

Am Schluss ä chli ä steile Hang,
mir b’houpte, s’git ä guete Jahrgang.

S’hets sech g’lohnt,
mir wärde belohnt.

Ä Usblick, ä Rundsicht,
u ne Beiz in Sicht.

In Schernelz simer ikehrt
niemer hett sech g’wehrt.

Eglifilet, u angeri Filet hei mr dörfe spiese,
u ou äs Wyli dümer g’niesse!

Äs wird äs Bähnli uf Ligerz apriese
aber die meischte vo üs heis b’schisse.

A dr Station simer mit em Schneewalzer empfange worde
g’spielt vom nä Mannli uf dr Handorgle.

Vo Ligerz nach Erlach wider mit em Schiff,
mir hei immer no aus im Griff!

Begrüesst si mer worde vom ne dunkelhütige Ma,
dass dä no me cha als nume sünnele, g’seht me im o a.

zum Bispil Kaffi choche für ne ganzi Armee.
Sisch düppigs Wätter u mir trinke nume Wasser u Icetee.

S’Besuttis hei äs super Weekendparadis,
leider isch das Hus u das Gärtli nid mis.

Mir hei ne g’nosse dä super Garte,
mir chönne fasch nid äs Jöhrli warte
dert wider emal ä chli ga zi,
da simer alli sicher derbi.

Z’Poschi fahrt is de über z’Land nach Ins,
dert heig dr Albert Anker g’wohmt, schins!

vo Bärn über, Olte simer z’Muttenz acho,
u üsi Schätz warte oscho.
Mit dr Alice u dr Helene heimer dörfe Turnfahre,
sisch o b e r m e g a gsi, nundefane.

Z’Vreni

 

Bericht: Text und Bilder: Z'Vreni